Inte semaya ne tajtakamet wan siwatket tesu kipiat at, kukuyat wan te kanaj salud inpal ijtik
ini techan, wan nusan ne sabadoj ume barril iwan tapanka kimakaket ne kalkukuyanit majwey
tik ne taltakutun, inak ne SAMS (Sociedad Medica Americana de Siria). “Tikmatit
ka anka kikwijket se bombaj GP” inak Adham Sahloul, ne tajpiani ipal ini ONG tik ESA wan tatuktiani ipal ne kalkukuyanit. Yaja inak ka kukuyanit wan tapajtianimet nemiket
né ijtik ne edificioj.
SAMS inak ka kilwijket ma ini ume kalkukuyanit muketzkan tekitit,
kunij sema chikume edificioj ne kitajpiat kulkuyanit tekitit ijtik ne cojcoloniaj
ipal Alepoj ne kituktiat ne kumunimet.
Ne ESA, ne kipalewiat ne alishketzanimet itech ne
tatuktilis, inak ka senpa tajtaketzat iwan Rusiaj, ne itepalewiani Damascoj,
wan inte yawit muketzat sentajtaketzat. Pero ne tepuspatanital ipal Rusiaj
wan Siriaj inte muketzat kitapanat ne techan. Ne tapanilis kimakat ne ujujti ne temakat ka ne sector ne kituktiat
ne te takakinimet, wan kan yejemet kiwikat wan kikwit inpalwan. Ne itukay ini ujti
Castello wan ne coloniaj Malah. Ne tasumalis pak tal kiwilewa ne coloniaj
Suleyman al-Halabi, ne ishku tasumalis ka ajkuik ne ikman techan Alepoj.
Ini se
tasumalis inte kipia tepalewilis. Ne Sejsenputzujtuk Talmet inak ka achka
250,000 tukniwan, kan 100,000 pipilmet, muchantiat
tik ne cojcoloniaj kituktiat ne alishketzanimet wan kiseliat “ne tetekia tawilewalis ipal tajtakamet ne
inte keman panutuk tik Siria”.
Ne wey
tatuktiani ipal ne ONU Ban Ki-moon inak ka ini tatapanilis ipal ini kalkukuyanit
wan seuk tik Alepoj se “tateyekchiwalis tasumalis”
- te takakini: el no escucha, rebelde.
- -tapana: reventar, explotar
- tatapanilis: explosión.
- kalkukuyanit: hospital
- majwey: más grande, grandísimo
- tasuma: pelear, luchar. tasunami: soldado, combatiente. tasumalis: guerra
- ONG: Organización No Gubernamental (kastiyaj)
- alishketzani: insurgente
- tepuspatanital: aviación
- tepalewilis: misericordia, ayuda
- bombaj GP: bomba a propósito general
- tepalewiani: ayudante, aliado
- inpalwan: pertenencias
- ishku: límite, línea
- tateyekchiwalis: crimen, pecado, mala acción.
No hay comentarios:
Publicar un comentario