31 ene 2014

Tikishmatikan ne tutal: La Montañona

Ijkiuni ken muita ne Chinchuntepet kwak tinemit ne Weykojtan
La Montañona se tepet tik Concepción Ketzaltepet, ijtik Chalatenanku. Nemi ka 1.647 metroj ijpak ne lamal. Kipia sea miak kwawit ken ne ukut, ne ciprés wan ne liquidámbar. Sujsul sesek muchi ne shiwit.

Tik itiempoj ne Guerra Civil, muchi ne tasumanimet walajket ka nikan pal mumachtiat tay munekit kimatit ipanpa ne tasumalis.

Nikan nemi nusan ne Radio Farabundo Martí kan tekitit katka pal ne "guerrillerojmet" nujme Kuskatan welit takakit ne intajtakwikalis.

Su tiwitz, tiaw tiweli tikita muchi ne tutal: ne Sumpul, ne Lempa, ne tejtepet Chaparrastique, Ilamatepet, Guazapa, El Boquerón, ne Chinchuntepet wan miak kojtan pal Honduras.

Nina ne La Montañona ne kojtan mas galanchin pal Kuskatan. Taja tay tina? Tikneki tikishmati? Semaya nemi pal tinejnemi nawi horaj, wan tiaw tiajsi ka ne. Shiwi nuwan!

  • lamal ush alamal mar
  • tasuma luchar
  • tasumalis guerra
  • tasumani luchador, guerrillero, soldado
  • ukut ocote

4 comentarios:

Alan dijo...

Padiush Ruben!

Gary Ordóñez dijo...

Nitamik nimumaka kwentaj ka "tasumalis" muita ken ne itukay ne ruinas Tazumal tik Chalchiwapan! Weli ka ne pipilmet musumaket iwan ne mayajchanejket ikman?

..

yektzin ne mutajkwilul Ruben

Gary Ordóñez dijo...

Tiawikan tel tik ne Montañona!!!!

Unknown dijo...

ini senkat muita sea yekchin, ninekiskia niu!!!!!!!!!!!!!!!!!!