Carlos Mauricio Funes Cartagena ne tatuktiani ipal Kuskatan.Nesik ne 18 ipal ne Metzti 10 ipal 1959 tik San Salvador. Yaja tekiti katka tik ne television; kipiatuya se programaj sujsul wey itukay kan ne yaja tajtaketza iwan miak wejwey. Nusan tekitki ipal ne television kwak nemituya ne tasumalis, wan tipan pejki ina ka te nemi yek sejse tay kichiwa katka ne kalpuli.
Kiajkaw ne itekilis tik television wan kishpejpenket ken ne tatuktiani ipal ne FMLN, wan tik 2009 yaja kiski achtu tik ne taishpejpenalis wan mukwepki tatuktiani ipal Kuskatan.
Mauricio Funes mumachtij tik ne Externado San José, wan tik ne weytamachtiluyan UCA mumachtij amaishmatilis. Munamiktijtuk iwan Vanda Pignato wan kipiat se inpiltzin itukay Gabriel. Ne iachtu, Alejandro Funes Velasco, mikik tik Francia kwak nemituya mumachtia ka né; kipiatuya 27 shiwit.
Ini se tajkwilul tik Wikipediaj, ne enciclopediaj tik Nawat.
- amaishmatilis literatura
- ishpejpena elegir
- kalpuli gobierno
- Kuskatan El Salvador, Cuzcatlán
- taishpejpenalis elección, elecciones
- tasumalis guerra
- tatuktiani líder, presidente, rey etc.
- tekilis ocupación, profesión
- wey itukay famoso
- weytamachtiluyan universidad
No hay comentarios:
Publicar un comentario